ائل بیلیر کی سن مینم سن . . . . . . . .

وفالی سئوگولوم ایستک لی نازنین مارالیم

مارال باخیشلارا قربان اولوم آی آغرین آلیم

دئدیم بوبیـرغزلی باشلایم سن این آدینا

حیف کی قافیه لرده ن راحات دئیل خیالیم

چیخـانمادیم گونئی یه گون قاوووردو یازلیقیمی

یاشیل قوجاغ لارین آچ اوردا دینجه لیم ساغالیم

صبا ساچین دان آلیب ایی ساچاندا صحرایه

دولور گوزل لیگه داغ داش اوزل له نیر محالیم

دوشوبدی ال ده ن ایاغ ساقی بایدانین باشی ساغ

توکنمه یب دی دایاغیم دولوب کمک له دالیم

بلالی باشیما کم کم یغیشــــدی خیـــــل خدم

سینیق اورک/ تالانیلمیش دیله ک / دوشوک مجالیم

گوتورمه دی منی بارداغلار آچ کوپون قاپاغین

او کورره سال منی هر دم اوجالسا قیل وقالیم

گئجه ام گیجیکلی کئچیرهی کیچیک له شیراوره گیم

گونوزلری گون اوزونده ن ایراق یامان دی حالیم

من آیریلیق گئجه سینده ن نئجه شکایت ائدیم ؟

دیلیم ده ن آخدی دوداغیمده قالدی بو سئوالیم

قویوب دوداق دوداقا نی له ناله دینله یره م

بیر آیری کیمسه نه واردیرمی ؟ سس لره ساوآلیم

اگرالیم گوده لیب چاتمـاز اینجه تئل لرینه

اجـازه وئرایاغینـدا شکسته کسمه چالیم

ائدیب دی تلواسالار قلبیمی قاراقانجیل

دوتوب دامارلاریمی (یالقیز) آز قالیرقارالیم

داودکیانی - اردبیل خرداد 1388 (روززن)

+ یازان یازیبدیر 88/03/28ساحات 6:54 PM یازان TURK OGLAN |